Starcraft II

2012ko Apirila 28-30

Jarduerak 2012

Starcraft II

Plataforma: PC
Bertsioa: Eskura daigoen azkena.
Lekuak: 16
Formatoa: 1vs1
Deskribapena: Blizzardek sortutako estrategia-joko ezagunaren jarraipena. Protoss, Terran eta Zerg denbora errealean borrokatzen dira berriz ere; oraingoan, ordea, 3Dn eta abilezia eta trebetasun berriekin. Starcraften bigarren entrega hau hiru kapitulutan banatuta dago. Lehenengoa, StarCraft II Terrans: Wings of Liberty. Bigarrena, StarCraft II Zerg: Heart of the Swarm. Eta hirugarrena, StarCraft II Protoss: Legacy of the Void. (http://www.3djuegos.com/juegos/pc/2498/starcraft-2/)
Arduraduna/antolatzailea: Zelkop - zelkop@euskalencounter.org

Lehiatzeko berariazko arauak

Lehiaketa honen arau espezifikoak joko-lehiaketen araudi orokorraren osagarriak dira.
Zerbitzariak
battle.net-erako konexio baten bidez jokatuko da; beraz, ezinbestekoa izango da jatorrizko jokoa izatea eta kontu baten jabe izatea.
Jokatzeko postua
Parte-hartzaile bakoitzak bere ordenagailuan jokatuko du lehiaketa osoan.
Mapak
Partyan jakinaraziko dira.

Partiden formatua

Bracket bikoitzen formatuarekin jokatuko da, eta 3tik onenak irabaziko du; hau da, bi irabazten dituena izango da txandaren irabazle. (Parte-hartzaileen kopuruaren arabera, antolatzaileek formatua aldatzeko eskubidea izango dute)

Parte-hartzaileek mapa bana aukeratuko dute; hirugarren partida jokatu behar izanez gero, beste mapa bat aukeratuko da, haiek adostuta, gainerakoen artean. Jokalariak ez badira ados jartzen, hirugarren mapa eliminazioz aukeratuko da, azken partida galdu duen parte-hartzailea hasita. Horretarako, jokatutako bi mapak baliogabeak izango dira.

Finalean, 5etik onenak irabaziko du, eta winneren bracket-etik datorrenak 1eko abantaila izango du.

Kontuan hartu beharreko beste arau batzuk:

Beharrezkoa izango da partidaren demoa gordetzea; antolatzaileek demo hori exijitu ahal izango dute.
Zigortu egingo da cheatak, abantaila ematen duen hirugarrenen softwarea nahiz bestelako trikimailuak erabiltzea. Hala ere, antolatzaileek beretzat gordetzen dute unean-unean egokien irizten dioten erabakia hartzeko eskubidea, eta parte-hartzaileen obligazioa izango da haien erabakia errespetatzea.